Prošeavttaid jođiheapmi poláragierddu davábealde
Roavvenjárggas lea Jarjotek Oy váldokantuvra. Dat dovdá hástalusaid, mat laktásit Davvi-Suoma hástaleaddji gáibideaddji dálkkiide ja hástaleaddji huksenprošeavttaide. Jarjotek fállá bálvalusaid Oulus gitta Roavvenjárgii, Anáris gitta Gáregasnjárgii.
Jarjotek doaibmanguovlu lea geavatlaččat olles Davvi-Suopma – ja dárbbu mielde olles Suopma.
Vulobealde Jarjotek Oy:n doaibmanjođiheaddji, Jarmo Jokelainen, jearahallan.
Mat erenomášhástalusat davvi huksenprošeavttaide laktásit?
Olgobargguid dáfus fertet juo prošeavtta álggus smiehttat dan, ahte goas olgobargguid sáhttá bargat ja plánet dán ovddalgihtii prošeavtta álggus.
Nuppe dáfus dát ii álo lihkostuva ja ovdamearkka dihte jahki dassái Anáris álggahuvvon prošeavttas gárttaimet sirdit oasi šiljo- ja olgobargguin dán geassái. Juohke bargoeatnamis šaddat dahkat oanehut áigge sirdimiid.
Buollaša ja duolu geavahit ávkin maiddái eanahuksenbargguin, nu ahte losses fievrrideamit dahkkojit duolu áigge.
Diimmá dálvve lei sullii vahku áigge buolaš badjel buolašráji min čuozáhagas Anáris, ja dalle bargoeana lei giddejuvvon. Dábálaččat bargoeatnamiin, main huksejit ruŋgguid, šaddá sirdit huksema buolašbeivviid dihte measta juohke dálvve. Dán dihte mii galgat smiehttat dárkilit, goas bargguid lea buorre álggahit, vai garvit dákkár hehttehusaid.
Mat leat Jarjotek Oy nana bealit?
Mii leat iehčanas čatnasmeahttun fitnodat, mii fállá huksehanbálvalusaid. Dán dahká vejolažžan dan, ahte mii sáhttit válljet ja gilvalahttit min áššehasaid prošeavttaide buoremus ovttasbargoguimmiid. Min bálvalusat vuolggahuvvojit álo áššehasa dárbbuin ja vuorrováikkuhusas.
Mii čatnasit guhkesáigge ovttasbargui. Mii ovddidit iežamet doaimma, nu ahte dat doarju ja bálvala áššehasa váimmusdoaimmaid. Min višuvdnan lea olahit nu alla áššehasduđavašvuohta go vejolaš ja leat maiddái dovddus ja dovddastuvvon suorggi doaibmi Davvi-Suomas.
Mas don ozat vuostedeattu bargui?
Bearrašiin ovttastallan, barttastallan, meahcásteapmi, golf, dánsun, karaoke. Dáid barggan dađi mielde, go asttan.
Manin ja goas geavahehpet prošeaktabáŋkku?
Mii geavahit prošeaktabáŋkku álo go dat lea prošeavtta ja min áššehasa dáfus jierpmálaš - geavatlaččat measta álo.
Prošeaktabáŋkkuin buot prošektii gullevaš diehtu lea čoggojuvvon ovtta sadjái, gosa buohkat prošeaktalahtut besset 24/7. Prošeavttain, main mii gilvalahttit maiddái huksejeddjiid, de mii sáhttit čuovvut huksejeddjiid beroštumi fálaldatbivdagii reálaáiggis. Prošeaktabáŋkkuin maiddái min áššehas sáhttá, jus nu háliida, čuovvut gilvalahttima ja fálliid beroštumi.